PUNGAW
Maruge daa an maloto ta sabaw na binugtak diit pang sumoropay
Kaya alimpoporo tinados-tados, idtong hunaon mo na sarong bilog na munisipyo,
Dakulaon an benipisyo kun dos-por-dos an irarapado sa mga kiragon na kuto.
Dae daa karkulado sa bagas an pinalis na tubig hali sa malumoton na dulay.
Ngabil luminagatak; dawa ba'gang na ngipon diit pang magkatiripak,
Kan paros sa sakuyang nguso ura-oradang nagsangaw,
Na may kaibahan na duros na maski labot na rida mapapabotog.
An ipaara kun pano an bagas sa panyo sakuyang nasasapna—
Sarong daeng datang panalmingan palan na dapat lahosan.
Mala biglang an duwang moro sa btitis ko nagikol-ikol,
kan namati an malotong mapuloton sa tahaw nakasaliot
Kaya palan kamolmog matanglayon na ta ako mahungit na...
Hala! Uyan na... Kasta! Hinumok na. Daeng sayud pa!
Halat... Tano ta kung bakong mga saradit na gapo,
Mga pirinohon na bubog an nasasapa ko sa sakong ngimot?
Arambiling mga baso na asin mga plato an sakuyang pinapangos?
Saka ko lang natimbog na ako sana palan nangangaturog...
Kan enterong ngipon sa nguraspak palan sa daga iyo na an naikokospa.
Nasa gilid kan sulong palan kan nadagos sa turog si sakong pirong-pirong.
Sa
pusog asin halangkaw na sanga kan Kayo na may marambongon na bunga,
Sarong
kalag an porsigido magtagbang biribitbit an ribo-ribong kahapotan.
Kaya
sa duros itinuros lawas na garo daeng labot ta nakapirong pa kan tuminabsong—
Mala
an pusuanon tadok buminugsok sa sulong na mararahon sa dungo an parong.
Hasta
kasimbagan dae natatakma nin higot, dae nanggad uuntokan na karakamloon;
Manamitan
sana an malagtokon na kamugtakan na sa isip dipisilon hamilon.
Anu
ngaran man na inuurolod na hayop an umulang-ulang sa dalan;
Asin
gurano kadarakula man na mga barani an kumawsa nin pagsolat sa labot—
Dae
nanggad masibog balolohon an mga lusotan dawa peligrohon man agihan;
Dawa
pa ngani sa irarom kan inaaratong na gutokon kan mga abang hihisdol na puyo—
Makutipas
nin kaskas pasiring sa nagpapataw-pataw na ginanutan sa kulog-boot,
Ta an siring na tobol na entero nang
palbag;
Syurbol na may sarong makonswelong lobot an saiyang ginarasgas.
Dawa
may pagmating, punas-punas pirmi an atutan, nin gapas na ginibong tirgas.
Pipiriton
man giraray ladupon magutiran man halanohan na daeng kapahaan;
Sayod
sumoksok garo galo sa ngipon kun makangoya nin kadikit na tupas.
Diit-diitan
man ngani masilak an alimantak sa rarom kan linubtohan
Itong
garong pagmating an sentido sa lubid binibiribid,
Huli biringbiring kan oro-otrong
lagatak;
Sagatak
gibo kan mga pasalihon na burotod man ngani an tulak
Na daeng
sawang tinitiktik,
mga gapo saindang pinaparalagatik;
Dagos
parte kan lawas maulyas na palan na hinahabas.
Dangan
luway-luway bubutongon pasiring sa irarom pati an ginanutan na dunong...
Mga gawi-gawi kan tawong patalusi na daeng pundo nagsosolwak an saltik sa
pamayo.
Anu
ngaran baya an tada-tadang remedyo pantanos sa sarong tikong puturo?
Arog
sa maation na paagi na riribongon siisay man na humawas sa sulong;
Asin
pupusakon tanog kan palibot siring nin nagkuriyat na bugris na winasiwas sa face.
Nganig
daing-datang kaaraman sa mapupution na bado maidugta kan mga daing supog;
Nganig
kalag na sindiklom kan badong itom—dai sumungaw bangog sa nakaparilibot.
Kaya hibi an nagsulwak kan bente-unong putok uminaningal sa pitong badil na
kinarablit.
Celebrsyon
an iterpretasyon kan mga hibi na tuminagdu;
Asin sa huri, ngirit man sana sa pandok guminurit.
Sakuyang promeso...
An
bulawan na leksyon na marugaring na ninudan
Kaaraman iwawarak sa dai
malilingawan na sulong.
Nganig parabanwit nin dunong si matabaon asin malinigon
na puyo an masubad.
Araaldaw
man kakanon; dae man tuyong maiatot... dae na marirong—
Ta mahamot na duros an sa lobot hayahay na
maparos.
Bako
hamot kan olor na sadiri kan madunong na patal
Aldaw-aldaw sa bado parong tayangaw,
Na dawa pamarong kan lobot, diit na lahid, lanit an nainit...
Kaya
sa kada boga tapoyas baga an kaiba—
Huli ta basog sa manlaen-lain na udo an anu man na karakakas kan mirapena
Na
pinapanhapin sa guslok na tulak kan mga momong na may shutal na alimantak.
Kaya
litong man siring kan burabod na dai nauutbanan;
Hibi
sa malsok papabuloson, na dawa ating salog maunong;
Asin
dawa mabangog na dalnak pirinuhon na baybay pag kinalot
Titimbaon
an matatabangon na giromdomon;
Tatadaun
an mahahamison sa payo horop-horopon.
Hibi
mabagawas bako siring kan masolog na sulong;
Ta
nganig sa hararomon na kapungawan magpakalamos—
Kada
magkudot sa daghan kulog kan kawaran—
Dangan
daeng girong mapaatong sa tuninong na sulong.
Talenga
man mabungog sa tanog na daeng rebok;
Kumuropsit
man an mabangog na bulbog, pagtubod dai malinog.
Gurit
man siring kan pananugoron sa langit—
tamong-tamong
an daeng untok na saldang sa kakaosip…
Ngirit
sa lalawgon papakilyabon nin masulahon—
Nganig
talsot mawara mabulsot man sa mahiwason na bobon.
Karahayan
na tukdo nuarin man dai ibubulang;
bakong
sagrak kundi kalinigan an itatalbong sa walang daghan.
Ngirit
sa lalawgon magira bako nin madagum na uranon;
Sasalohon
pahingorag na takdag maski garu dagom katararom
Nganig
malimpyahan an garu ugsong sa lawas na mga rirong;
Sa
pangadye asin bako sa arak mabubuyong;
Enterong
patibong sa kinaban aatubangon;
Mga
promesong mabuskag, mahubal, makurab, mapapano nin love…
Nagserbing pabalon kan huring bagting duminagundong sa saimong lubong.
(PUNGAW NA AKO SAIMO, PA)
